आणखी एक अमेरिकन पत्रकार जेम्स फॉले यांचा इस्लामिक स्टेटच्या अतिरेक्यांनी शिरच्छेद केल्याचा व्हिडिओ गेल्या महिन्यात जारी झाला होता. त्या व्हिडिओत स्टीव्हन सॉटलोफ शेवटचे दिसले होते. फॉले यांच्या हत्येनंतर स्टीव्हन सॉटलोफ यांच्या आईने इस्लामिक स्टेटचे नेते अबू बकर अल बगदादी यांना माझ्या मुलाचे प्राण वाचवा अशी विनंती केली होती.
स्टीव्हन सॉटलोफ यांच्या हत्येच्या वृत्ताची खातरजमा करीत आहोत, असे व्हाईट हाऊसचे प्रवक्ते जोश अर्नेस्ट यांनी म्हटले. तसा काही व्हिडिओ जारी झाला असेल तर अमेरिकन सरकार त्याची खूप काळजीपूर्वक खातरजमा करून घेईल. आमचे गुप्तचर त्या व्हिडिओची अधिकृतता तपासून घेतील, असे अर्नेस्ट म्हणाले.
