मुंबई : मुंबई विभागीय अधिस्वीकृती समितीच्या बैठकीत महाराष्ट्र संपादक परिषदेचे सदस्य आणि दै. 'पुण्य नगरी'चे संपादक संजय मलमे यांची गुरुवारी सर्वानुमते अध्यक्षपदी निवड करण्यात आली. मुंबई विभागीय अधिस्वीकृती समितीची बैठक गुरुवारी मंत्रालयात पार पडली. या बैठकीला समितीचे सदस्य संजीव शिवडेकर, संजय मलमे, प्रवीण पुरो, धर्मेंद्र गोरे, सचिन परब तसेच समितीचे सदस्य-सचिव उपसंचालक (वृत्त) ज्ञानेश्वर इगवे आदी उपस्थित होते. प्रारंभी इगवे यांनी समितीच्या सर्व सदस्यांचे पुष्पगुच्छ देऊन स्वागत केले. त्यानंतर सर्व सदस्यांचे संजय मलमे यांना बिनविरोध निवडून देण्यावर एकमत झाल्याने इगवे यांनी त्यांची निवड जाहीर केली.