मुंबई : ज्येष्ठ सिने पत्रकार पी. के. बोणे ऊर्फ बोणे बंधू यांच्या ७१ व्या वाढदिवसानिमित्त सिने अभिनेत्री अलका कुबल यांच्या हस्ते त्यांचा सत्कार करण्यात येणार आहे. 'आपला चौथा स्तंभ' संस्थेतर्फे आयोजित या कार्यक्रमाला प्रसिद्ध निर्माते-दिग्दर्शक विजय कोंडके, निर्माता नंदकुमार विचारे उपस्थित राहणार आहेत. मुंबई मराठी पत्रकार संघात २0 फेब्रुवारी रोजी सायंकाळी ५ वाजता हा कार्यक्रम पार पडणार असल्याची माहिती 'आपला चौथा स्तंभ'चे अध्यक्ष विजयकुमार बांदल यांनी पत्रकारांना दिली.