मुंबईत दैनिक सामनाचे अंक जाळले
मुंबई - मुस्लिमांची नसबंदी करा मुस्लिमांचा मताधिकार रद्द करा अश्या मागण्या करत त्याबाबत ज्वलंत लिखाण करणारे शिवसेना खासदार व दैनिक सामनाचे कार्यकारी संपादक संजय राऊत यांची खासदारकी रद्द करावी आणि सहा वर्षे त्यांना कोणतीही निवडणूक लढवण्यास बंदी घालावी, अशी मागणी समाजवादी पक्षाचे प्रदेशाध्यक्ष आमदार अबू आसिम आझमी यांनी गुरुवारी (ता. 16) केली. राऊत यांच्या मागणीच्या निषेधार्थ पक्षाने गुरुवारी आझाद मैदानात धरणे आंदोलन केले आणि दैनिक सामनाचे अंक जाळले. या वेळी प्रवक्ते कादिर चौधरी, महापालिकेतील गटनेते रईस शेख, रुक्साना सिद्दिकी, आदिलखान आझमी तसेच समाजवादी पक्षाचे कार्यकर्ते मोठ्या संखेने उपस्थित होते.
