लग्नाच्या भूलथापा देऊन महिला पत्रकारावर बलात्कार केल्याप्रकरणी गोराई पोलिस ठाण्यात कपिल इंगोले (30) यांच्या विरोधात गुन्हा नोंद झाला आहे. तो जनसंपर्क क्षेत्रातील कंपनीत कामाला आहे. विक्रोळी पार्कसाईट परिसरात राहणाऱ्या कपिलचे एका पत्रकार तरुणीशी प्रेमसंबंध होते. लग्नाच्या भूलथापा देत त्याने तिला गोराई येथे नेऊन तिच्याशी शरीरसंबंध प्रस्थापित केले. नंतर काही दिवसांनी पीडित तरुणीला वर्णावरून हिणवत तिच्याशी लग्न करण्यास त्याने नकार दिला. त्यामुळे तिने पोलिस ठाण्यात तक्रार नोंदवली. हा गुन्हा दाखल झाल्यापासून कपिल फरारी झाला आहे.