मुंबई : मुंबई मराठी पत्रकार संघाच्या वतीने दरवर्षी दिला जाणारा 'पुढारी'कार पद्मश्री डॉ. ग. गो. जाधव पुरस्कार यंदा साप्ताहिक 'चित्रलेखा'चे संपादक व ज्येष्ठ पत्रकार ज्ञानेश महाराव यांना जाहीर झाला आहे. मुंबई मराठी पत्रकार संघाने मंगळवारी ही घोषणा केली. पत्रकार संघाच्या वतीने दरवर्षी 'पुढारी'कार पद्मश्री डॉ. ग. गो. जाधव यांच्या स्मरणार्थ ज्येष्ठ पत्रकाराचा पुरस्कार देऊन सन्मान केला जातो. यंदा पत्रकार संघाच्या कार्यकारिणीने पद्मश्री डॉ. ग. गो. जाधव पत्रकारिता पुरस्कारासाठी ज्येष्ठ पत्रकार महाराव यांची निवड केली. महाराव यांना येत्या मे महिन्यात पत्रकार भवनात होणार्या समारंभात पुरस्कार प्रदान केला जाणार आहे.