योरो - तेगुसिगाल्पा: होन्डुरास मध्ये पत्रकारांच्या हत्तेचे सत्र अजूनही सुरूच आहे. गुरुवारी अज्ञात व्यक्तींनी आणखी एका टीव्ही साठी काम करणाऱ्या नेरी सोटो (३१) या पत्रकाराची हत्या केली आहे. सोटो हे योरो प्रांतच्या "'चैनल २३' वर कार्यक्रमात निर्देशन करत होते. एफे या समाचार एजन्सीला पोलिसांनी दिलेल्या माहिती नुसार सोटो यांचे सर्व सामान आणि पैसे जागच्या जागी आहेत, हा खून पैशांसाठी केलेला किवा चोरीच्या उद्देशाने केलेला दिसत नाही. यामुळे हत्तेची सखोल चौकशी केली जात आहे. याप्रकरणी अद्याप कोणालाही अटक केलेली नाही. या वर्षी सात पत्रकारांची हत्या करण्यात आली आहे असे पोलीसान सांगितले आहे. तर योरो प्रांतातील मानवाधिकार आयुक्त यांच्या माहिती नुसार नोव्हेंबर २००३ पासून आता पर्यंत ४७ पत्रकारांची व मिडिया कर्मचाऱ्यांची हत्या झाली आहे.