'पेड न्यूज' शोधण्यासाठी वृत्तवाहिनीचे ६९७ तास रेकॉर्डिंग केले जाणार

इच्छुक उमेदवार अर्ज भरण्याच्या तयारीत असले तरी उपनगर जिल्ह्यातील निवडणूक कार्यालयातील मीडिया सेलमधील अधिकारी "पेड न्यूज‘वर बारीक लक्ष ठेवून आहेत. उपनगर जिल्हा निवडणूक कार्यालयाने १४ वृत्तवाहिन्या पाहण्यासाठी म्हाडा, महावितरण व एमएमआरडीएतील अधिकाऱ्यांची नियुक्‍ती केली आहे. प्रत्येक वृत्तवाहिनीचे ६९७ तास रेकॉर्डिंग केले जाणार आहे. 

पत्रकार संरक्षण कायद्याचा उल्लेख जाहिरनाम्यात करण्याची मागणी

महाराष्ट्रातील पत्रकारांवर होणारे हल्ले रोखण्यासाठी पत्रकारांना संरक्षण देणारा कायदा आणि पत्रकारांसाठी पेन्शन योजना सुरू करण्याबाबतचे आश्वासन राजकीय पक्षांनी आपल्या जाहिरनाम्यात द्यावे अशी मागणी पत्रकार हल्ला विरोधी कृती समितीच्यावतीने राज्यातील प्रमुख राजकीय पक्षांना पाठविलेल्या पत्रात करण्यात आली आहे. 

इस्लामिक स्टेटचा आणखी एक व्हिडिओ, ब्रिटिश पत्रकार ओलिस असल्याचे दाखवले

इस्लामिक स्टेट या दहशतवादी संघटनेने शुक्रवारी आणखी एक व्हिडिओ जारी केला. त्यात ब्रिटिश पत्रकाराला ओलिस ठेवण्यात आल्याचे दाखवण्यात आले आहे. या अगोदर संघटनेने अमेरिकेचे दोन पत्रकार व एका ब्रिटिश नागरिकाचा शिरच्छेद केला होता.  

अमर उजाला मधील पत्रकारांची फसवणूक

अमर उजाला ग्रुप मध्ये काम करणाऱ्या पत्रकार, कर्मचाऱ्यांना पाच महिन्या पूर्वी एक इ मेल पाठवण्यात आला ज्यामध्ये मजिठीया आयोगाच्या शिफारशी नुसार रात्र पाळीमध्ये काम करणाऱ्यांना मे महिन्याच्या वेतनासह रात्रपाळी भत्ता देण्यात येईल असे सांगण्यात आले. परंतु चार महिने झाले तरी अद्याप हा भत्ता देण्यात आला नसल्याने अमर उजालाने पत्रकारांची खुले आम फसवणूक केली आहे. 

"तरुण भारत"ची मुंबई आवृत्ती बंद पडण्याच्या मार्गावर

बेळगाव वरून प्रसिद्ध होणाऱ्या तरुण भारतची काही महिन्यांपूर्वीच मुंबई आवृत्ती सुरु करण्यात आली होती. तरुण भारतची ही आवृत्ती नावारूपाला येण्या अगोदरच बंद पडण्याच्या मार्गावर आहे. वृत्तपत्राच्या मुंबई येथील आवृत्तीची जबाबदारी असलेल्या कोठेकर आणि काळे यांच्याकडून होत असलेल्या जाचामुळे पत्रकार आणि कर्मचारी नोकऱ्या सोडून जात असल्याने लवकरच हि आवृत्ती बंद पडण्याच्या मार्गावर आहे.

' चिंधी चोर ' असा उल्लेख केल्याने पत्रकरांना संपवण्याची सुपारी

गँगस्टर रवी पुजारीचा पत्रकारांनी 'चिंधी चोर' असा उल्लेख केल्याने पुजारी भडकल्याची माहिती मुंबईचे पोलिस आयुक्त राकेश मारिया यांनी दिलीय. याच कारणामुळे सध्या पुजारीने आपल्या शार्पशूटर्सला मुंबईतील काही पत्रकरांना संपवण्याची सुपारी दिल्याचं कळतंय. काही दिवसांपूर्वीच पुजारी टोळीच्या काही गुंडांना अटक करण्यात आली असून मुंबईमध्ये एका पत्रकाराची हत्या करण्यासाठी आल्याची कबूली या गुंडांनी दिली.

जय महाराष्ट्राचे पत्रकार पगारे यांना न्याय मिळणार

ठाणे जिल्ह्यातील अंबरनाथ येथे जय महाराष्ट्र वृत्तवाहीनीसाठी वृत्तसंकलन करणारे पत्रकार किशोर पगारे यांच्याशी अंबरनाथ पोलिस ठाण्याचे वरिष्ठ पोलिस निरिक्षक विलास सोनावणे यांनी गैरवर्तवणूक केली होती. 

तेलंगणा मधील टीव्ही ९ चे प्रक्षेपण सरकारने बंद पाडले

चार महिन्यापूर्वीच निर्माण झालेल्या तेलंगणा राज्यामध्ये सरकारने दडपशाही सुरु केली आहे. याचाच एक भाग म्हणून टीव्ही ९ तेलगू या वृत्तवाहिनीचे प्रक्षेपण बंद पाडले आहे. वृत्तवाहिनीचे प्रक्षेपण का बंद केले याचे नेमके कारण सरकारने दिलेले नसले तरी तेलगू भाषेमध्ये बातम्या प्रसारित होत असल्याने प्रक्षेपण बंद पाडण्यात आले आहे.

इलेक्ट्रोनिक मिडियामधील स्ट्रीन्जर पत्रकारांना प्रेस कौन्सिल मदत करू शकत नाही

इलेक्ट्रोनिक मिडियामध्ये स्ट्रीन्जर / अंशकालीन पत्रकारांचे मोठ्या प्रमाणत शोषण होते. असेच शोषण होणाऱ्या एका पत्रकाराने आपल्याला न्याय मिळावा म्हणून प्रेस कौन्सिल ऑफ इंडिया कडे दाद मागितली होती. याबाबत प्रेस कौन्सिल ऑफ इंडियाने या पत्रकाराला पत्र पाठवूनहा विषय इलैक्टॉनिक मीडिया आणि औद्योगिक विवाद अधिनियम १९४७ शी संबंधित येतो. हा विषय प्रेस कौन्सिल ऑफ इंडियाच्या खत्यारीत येत नसल्याचे म्हटले आहे. यामुळे इलेक्ट्रोनिक मिडियामधील स्ट्रीन्जर / अंशकालीन पत्रकारांना प्रेस कौन्सिल काहीही मदत करू शकत नाही हे समोर आले आहे. 

संपादकांची अदला बदल सुरु.....

महाराष्ट्रामध्ये होऊ घातलेल्या विधानसभेच्या पार्श्वभूमीवर मुंबईमधील संपादकांची अदला बदल सुरु झाली आहे. प्रहार वृत्तपत्राचा महेश म्हात्रे यांनी राजिनामा दिल्या नंतर प्रहारला कोणीही संपादक मिळत नव्हते. सध्या जेष्ठ पत्रकार मधुकर भावे यांना संपादक पदी नियुक्त करण्याच्या हालचाली सुरु झाल्या आहेत. तर दबंग दुनिया हिंदी दैनिकाच्या संपादक पदी अभिलाष अवस्थी यांना संपादक बनवण्यात आले आहे. 

टीवी जर्नालिस्ट असोसिएशनची निवडणूक बिनविरोध

वाहिन्यांमधील पत्रकारांसाठी कार्यरत असलेल्या टीवी जर्नालिस्ट असोसिएशन या संघटनेची निवडणूक नुकतीच संपन्न झाली. या निवडणुकित सर्व उमेदवार बिन विरोध निवडून आले आहेत. संघटनेच्या अध्यक्षपदी विलास आठवले - साम टिव्ही यांची फेर निवड करण्यात आली आहे. 

पत्रकार वेदप्रताप वैदिक पुन्हा बरळले

मुंबई हल्ल्यातील सूत्रधार हाफिज सईदची भेट घेणारे व योगगुरू रामदेवबाबा व संघ परिवाराशी जवळीक असणारे वाद्ग्रस्त जेष्ठ पत्रकार वेदप्रताप वैदिक यांनी भारतीय संसदे विषयी आक्षेपार्ह विधान केले आहे. हाफिज सईदची भेट घेतल्याने संसदेमधील सर्व ५४३ खासदारांनी मला फाशी द्या असा निर्णय घेतला तर मी अश्या संसदेवर थुंकतो असे वक्तव्य वेदप्रताप वैदिक यांनी केल्याने पुन्हा एकदा वाद निर्माण झाला आहे.

पश्चिम घाट वाचवण्यासाठी पत्रकाराची सायकल यात्रा

मानवी हस्तेक्षेपामुळे पश्चिम घाट आणि तेथील प्रजाती नष्ट होण्याच्या मार्गावर आहे. पश्चिम घाटाला नष्ट होण्यापासून वाचवण्यासाठी कोयंबतूरच्या एका दूरचित्रवाहिनीच्या आर. कलाई सेलवन या पत्रकाराने तामिळनाडू, केरळ, गोवा, कर्नाटक या चार राज्यामध्ये ३०८० किलोमीटर सायकल वरून प्रवास केला आणि पश्चिमी घाट वाचवण्याचा संदेश दिला. पश्चिम घाटाला युनेस्कोने जागतिक वारसाच्या यादीमध्ये समावेश केला आहे.

पत्रकार स्टीव्हन सॉटलोफ यांची हत्या - हत्येचा व्हिडिओ दहशतवाद्यांनी जारी केला

वॉशिंग्टन : सिरियात वर्षभरापासून बंदी असलेले अमेरिकेचे पत्रकार स्टीव्हन सॉटलोफ यांची इस्लामिक स्टेटच्या दहशतवाद्यांनी हत्या केली आहे. या हत्येचा व्हिडिओ इस्लामिक स्टेटने मंगळवारी जारी केला असून त्यात सॉटलोफ यांचा शिरच्छेद करण्यात आल्याचे दिसते. सॉटलोफ हे सिरियात गेल्या वर्षी ऑगस्टमध्ये बेपत्ता झाले होते. 

‘पीटीव्ही’ वृत्तवाहिनीच्या कार्यालयावर हल्ला

पाकिस्तानच्या लष्करप्रमुखांनी पंतप्रधान नवाझ शरीफ यांना राजीनामा देण्यास सांगितले आहे. गडबडी करून निवडणूक जिंकल्याचा पंतप्रधान नवाझ शरीफ यांच्यावर आरोप आहे. शरीफ यांनी राजीनामा द्यावा, या मागणीसाठी ‘तहरिक-ए-इन्साफ’चे इम्रान खान आणि ‘अवामी तहरिक’चे ताहिर-उल-कादरी हे दोघे नेते आपल्या हजारो समर्थकांसह इस्लामाबादेत आंदोलन करीत आहेत. आंदोलकांनी सोमवारी थेट पीटीव्ही या सरकारी वृत्तवाहिनीच्या कार्यालयावर हल्ला केला. तेथे घुसखोरी करून त्यांनी तेथील कॅमेर्‍याची तोडफोड केली आणि प्रसारणही बंद पाडले. त्यांना अडविण्याची कुणीही हिंमत करू शकले नाही. अखेर पाकिस्तानी लष्कराने पीटीव्ही मुख्यालय आपल्या ताब्यात घेऊन आंदोलकांना बाहेर काढले. 

"वस्त्रहरण" सुरु

मुंबई येथून वस्त्रहरण नावाचे नवीन मराठी मासिक सुरु करण्यात आले आहे. हे मासिक सर्वत्र उपलब्ध करून देण्यात आले आहे. वस्त्रहरण मासिकाचे संकेतस्थळ (वेबसाईट) vastraharan.org असे आहे. या मासिकाला जाहिरात प्रतिनिधींची आवश्यकता असून लवकरच मासिकाद्वारे जाहिरात एजन्सी सुरु केली जाणार आहे. या एजन्सीच्या माध्यमातून मराठी वुत्तपत्राना जाहिराती पुरवल्या जाणार आहेत. तरी अधिक माहिती साठी ज्ञानेश्वर ठोंबरे यांच्याशी 9987009000 क्रमांकावर किंवा वसंत विहार, कुंभारवाडा बस थांब्या जवळ, चेंबूर नाका, चेंबूर, मुंबई - या पत्त्यावर संपर्क साधावा असे आवाहन करण्यात आले आहे.